حلوه صغيرة ومعجبه بأمجادنا
و لولا اللغو لكان هيدا مرادنا
قالت الي .مش قادري عبعادنا
ولا قادري تفهم شوسر عنادنا
جاوبتها . لا تنكشي برمادنا
بعدا الحمم ماخمدت بأجسادنا
ياريتني ساكن على سطح القمر
وتكوني انتِ من بعض روادنا
* *
حلوي صغيري من بنت أفكارنا
فوق السطر . يامرحبا بزوّارنا
شيدنا من سور الكلام حجارنا
ونبني ممالك حب فيها سرارنا
ياشاعر الحلوين خلّي شعارنا
مثل الخمر متعتقى بجرارنا
عليي العزف وعليك بس الدوزني
وخلي الدني ترقص على أوتارنا
تيسير