المدونة

نتاج السنين شعر, أدب, سياسة
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» ديوان أخت ذاك القمر
الأربعاء ديسمبر 24, 2014 2:46 pm من طرف تيسير نصرالدين

» المفارد
الإثنين ديسمبر 22, 2014 11:24 pm من طرف تيسير نصرالدين

» ديوان عطور القوافي
الأحد ديسمبر 21, 2014 10:55 pm من طرف تيسير نصرالدين

» شقو الستارة
الأحد ديسمبر 21, 2014 1:12 pm من طرف تيسير نصرالدين

» إهداء
الثلاثاء أغسطس 19, 2014 2:07 pm من طرف تيسير نصرالدين

» زجل مع الشاعر فراس عبيد
الأحد مارس 11, 2012 7:23 pm من طرف تيسير نصرالدين

» لعنة الاشتياق
السبت سبتمبر 24, 2011 6:51 pm من طرف تيسير نصرالدين

» النخبة
السبت سبتمبر 24, 2011 6:46 pm من طرف تيسير نصرالدين

» وجهة سمع
السبت سبتمبر 24, 2011 6:45 pm من طرف تيسير نصرالدين

ازرار التصفُّح

مدونتي

التبادل الاعلاني
                                                                   
   
 
 
 
 
 

 

شاطر | 
 

 شقو الستارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: شقو الستارة    الأحد ديسمبر 21, 2014 12:34 pm

حْذِيرٌ :
لِهَذِهِ المادَةِ قَانُونُ حِفْظ يمنَعُ كُلَّ تَجَاوُزٍ بالنَّشْرِ دُونَ النَّسَبِ للشعراء الدكتور زياد قبلان و تيسير نصر الدين





شقوا الستارة ، ووسعوا بواب المدى
جايي عامهر مكهرب بسوط الحدا

شاعر انا طاعت الي كفوف الردى
وشعري ترك عاصفحة عطاردصدى

بكفي عجنت الشعر اول ما ابتدا
رب الخليقة يعجن بأدم هدى

ورجعت عامهلي وامشي عالهدا
عمّر منابر شعر بشفار المُدا

وهلق عامنبر شعر لسويدا بدا
حرب القوافي العاشقة معنى الفدا

جايي انا وسيفي ودواتي والقلم
وغضبة غضنفر شعر مايرحم حدا    

زياد


عدل سابقا من قبل تيسير نصرالدين في الإثنين ديسمبر 22, 2014 10:32 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:37 pm

ياشاعر الجايي مكهرب مهرتو
وجاي بأول حرف يعطي وهرتو

جايي تَ يرهبنا بصوتو ونبرتو
ويحر ق متل نيرون أهلو وأخوتو

شاعر انت لكن كبيري عبرتو
هاجم تيقلع ألف عين بفكرتو

الشاعر متل عيسى المسيح بدعوتو
غير المحبة ما بتعرف جملتو

تفضّل الك تيسير مادد سفرتو
وناطر تتكمل بالحبايب سهرتو

الي بيبدي الخير بزيد الفرح
والّي بيتمادى بنغّص فرحتو

تيسير


عدل سابقا من قبل تيسير نصرالدين في الأحد ديسمبر 21, 2014 1:18 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:40 pm

تيسير ياشاعر خلق قبل الحنين
انت وابو الدرداء من ذات العجين

لكن على منبر إله الملهمين
بقلك كلام وبعد اذن السامعين

سلطان باشا والنشاما الثايرين
نشفرة مهند سطروا المجد المبين

مش بالمودة ومرحبا وخبز وحنين
بتقدر تحرر ارض وبتحمي العرين

وان كنت معجب بيسوع الأولين
وبسياستو وبمدأ الرقة ولين

خد اليسار تورم سمحلي بقى
بلش معك الكفوف عالخد اليمين

زياد        
 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:45 pm


    انقلنا بإنّو لكلْ مقالي مَقامْ
ما بتنْطبقْ فَتوةْ حلالكْ عَالحَرامْ

في فرق بين المرجلة والإنتقام
مثل الفرق بين الجبنْ والإحترام

خدّي إذا تورّم عأيدك مش مُلام
والعفّة عند المقدرة طبع الكرام

عامل متل صيّاد بجناح الظلام
جايي عراس المآذنة يقوس حمام

ضيوا على عيسى النبي الفين عام
حامل صليبو وسار عادرب الآلام

آخر كلامو كان عَ قوس الصليب
بعد المجد للرب  عالأرض  السلام

تيسير               
       
 
           


عدل سابقا من قبل تيسير نصرالدين في الأحد ديسمبر 21, 2014 1:20 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:47 pm


تركلي مسيح الكون عاخشاب الصليب
وقرّب لعندي واسمع الراي المصيب

سلطان لما حرر العشق السليب
بالمرجلة مش حقد ياشاعر لبيب

ومتلو انا جايي على جناح اللهيب
حرر منابر صار منظرها كئيب

بالسيف جايي ، لاعصاية ، ولا قضيب
وجايب قلم رويان من فكري الرهيب

بالسيف بحمي ساحتي بيوم الوغى
وبكتب بإيدي وصية البدو طبيب

زياد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:50 pm

دكتور حاجي تُحرّني دمّي غلي
ولا ترتكي عاسيف صولاتو إلي

في سيف للعدل ومعو مابينطلي
باطل , تيحرفنا عن الحق الجلي

سلطان باشا قاد ثورة مزلزلي
طلاّب حق وكان فيها الأولي

مش كل حامل سيف نبراسو علي
ولا كل من سبّح بمسبحتو ولي

حاجك بطولي وعنتريي ومرجلي
عامنبر البحصد قصيدو بمنجلي

وبّذكرك بسيف بن ملجم غدر
بالعابد الزهدان  المفدّى   علي

تيسير


عدل سابقا من قبل تيسير نصرالدين في الأحد ديسمبر 21, 2014 1:21 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:53 pm

تحصد قصيد بمنجلك يامرتكي
بزرع وحصيدة مابتكسب معركة

وحتى ياشاعرنا نفصّل بالحكي
الشغلة بسيطة لا تظن مشربكة

من يوم ما رب السما فضلو تكي
عاكتاف خلقو تايشييد مملكة

في ناس صاروا للأذية المهلكة
وفي ناس خلقوا يزرعوا للمشتكي

بزرع انا بذور الزهور الليلكي
ونخوة نشاما ل الليالي المظنكة

بزرع فرح بقلوب لوعها البكي
وبتحصدوها بالليالي المحلكة

بزرع تقاوة بالنفوس المشركة
بتحصد نتائجها بجنة مباركة

لولا الزرع ياصاحبي مافي حصيد
ولولا انا .. ماكان جعفر برمكي

زياد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 12:58 pm

زراع القوافي عسطوري مش حرام
بلكي بتتخلص عأيدي من الأثام

خلي المحبة تكبر وينمى الوئام
وزراع خير بتحصدو بيوم الرؤام

لكن , ياشاعر اجى وزاح اللثام
رافع سلاحو بوجهنا وناوي الخصام

شايف ملامح بان فيها الإنفصام
والمرجلة صارت عذوبة وانسجام

جايي بسيفك كنت تعمل مجزرة
واليوم جاي داعية ومحضر سلام

تيسير


عدل سابقا من قبل تيسير نصرالدين في الأحد ديسمبر 21, 2014 1:22 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 1:01 pm

بعدو الشعر عافرد حنّة يازميل
يزرع رعب بيشق صدر المستحيل

وبعدا الأصايل راكعة قبال الأصيل
تتوسل الرحمات من سيفو الصقيل

وبعدو حسام الشعر فاتح ارخبيل
يصف القوافي عامسافة الف ميل

شاعر انا عامنبري مافي بديل
ان طبق جفوني الموت او دنّى الرحيل

قبلي وبعدي ولو بيخلق الف جيل
يقولوا شعر وتفكروا العالم جميل

بيبقوا زغاب وبالشعر بدهن دليل
من معجم افكاري الدافق سلسبيل

الله خلقني بالشعر داوي العليل
وسيفي دوا الشعار ماعندي بديل

الساحة الي والعرش رهن بخنصري
خصوصي بعد مامات بومحمد خليل

زياد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 1:05 pm

خلّي الشعرعافَردْ حنّة ياحنون ْ
وركاب موج المعرفة وظهر المزون

ماراح يخفق قلب ضمّة, ولا سكونْ
إلاّ لشاعر مسْ كلماتو الجنون

وانعدْيِتْ فكارو بحكمة أفلاطون
وجملة شكسبير الأكون ولا أكون

شاعر أنا لا مملكة ولا يحزنون
عايش مابين القلب ورموش العيون

بتكي عزند القافية وبغفى بسكون
وبفيق عا همسة شعر صوتا حنون

ببني قلاعي وبالشعر بعمل حصون
وبحوطا بأسرار توت العنخمون

وبنام مرتاح الضمير وبتركا
يتخانقوا عليها اساتذة الفنون

تيسير


عدل سابقا من قبل تيسير نصرالدين في الأحد ديسمبر 21, 2014 1:14 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 1:09 pm

تركني جفن غافي على حدود السما
عملاق بيحاكي الجواري بالوَما

تركني إله بعرش عالعالم سما
وسلطان دهري وبالوغى حامي الحمى

تركني بمعبد شعر طوفانو طمى
حتى سقط يوداس وبحضني ارتمى

تركني انا وعشتار وعيون اللمى
نرعى الخليقة كل مابرعم نمى

وخليك عايش بين كنة وبين حما
وافتح (خجا) دروس التواضع علما

وخلي نزار يشاركك بالمدرسة
وكل ما ضوت ليلة بحياتك يعتما

زياد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
تيسير نصرالدين
Admin


عدد المساهمات : 242
تاريخ التسجيل : 26/12/2010

مُساهمةموضوع: رد: شقو الستارة    الأحد ديسمبر 21, 2014 1:12 pm

راح اتركك سلطان لغرورك أسير
إنتَ وحور العين مع بئس المصير

وتشوف حالك معجزة ومالك نظير
وتغفى بأحلامك على صوت الشخير

راح تتركك عشتار مديون وفقير
من بعد ما تقطع من البيت الخمير

لا تعتدي عالشاعر الإسمو كبير
ومعروف اسمو للكبير وللزغير

نزار كان بكتبنا صوت الضمير
مطرح ما حرفو يحلّ بفجّر غدير

الطاقة الفتحتا عالصواعق سدها
أحسن مابدل الريح تحصد زمهرير
       .
تيسير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taisir.yoo7.com
 
شقو الستارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المدونة  :: الزجل-
انتقل الى: